Back to the 60's

Innestengt

Tok dette biletet heime i vår. Sjølvsagt litt "småjustert" på datamaskineriet.

Bra start

Ein betre start på skisesongen kan ein vel eigentleg ikkje rekna med. Med tre helger på rad med ein dag i Mrykdalen i sprutande pudderføre og smoothe telemarksvingar. Når ein har gått rundt heile høsten, og heile sommaren med, og draumd om snø og telemark må ein jo berre benytte sjansen når ein har den. Eg er i alle fall stornøgd med sesongstarten og kan ikkje vente til neste gang! Over er eit par "Uforgløymelege augneblink" frå den siste helge, då eg var oppe med Andreas.

Den friheitskjensla eg får når eg står nedover djupe pudderheng er ei kjensle som eg vanskeleg kan klare å beskrive med ord. Det berre MÅ opplevast!

Misfarga?!

Sopp

Etter mi meining er eigentleg sopp ganske ØSJ, for å seie det på den måten. Men her i høst fann eg ut at ein faktisk kan få ganske bra bilde av desse naturleg blautkokte gjenstandene, som ein del folk faktisk likar å putte i gryta si, med brun saus og heile pakken. Så eg sprang ut i skogen, vel og merke i siste liten før sola gjekk ned(som vanleg), og knipsa eit par blautisar(i denne settingen altå: SOPP).

Snjo

Var heime denne helga(deilig!!), og på fredagen begynte det å snø. Fantastisk fin og tørr puddersnø. Så mykje var det ikkje akkurat, men nett nok til å kjenne den kalde snøspruten i ansiktet, som ein gjerne helst vil kjenne gjennom ein god telemarksving i fjellet. Fine krystallar og små detaljar fyllte høstlandskapet.
Og sidan eg er no ganske, eller egentlig veldig, interresert i snø. Og berre går og dagdrømmer om å få feste skia under beina kunne det jo alltids ha vore moro å sjå om eg kunne finne eit bibelvers om snø. Så eg bestemte meg for å ta den nye, og heller lettvinte måten. Eg ploppa inn på nette og googla meg eit bibelvers om snø. Fant ut at det var ein del bibelvers som handla om dette med at vi har gøymde gåver, som var illustrerte som plantene under snøen. Dette verset var det som traff meg mest, då. På ei "søndagsskule-side", faktisk:

"Liksom regnet og snøen
fell ifrå himmelen
og ikkje fer opp att dit,
før dei har vatna jorda
og gjeve henne gror kraft og grøde,
ja, gjeve såkorn til den som skal så,
og brød til den som skal eta,
så er det òg med mitt ord,
det som går ut or min munn.
Det vender ikkje tomt tilbake til meg,
men gjer det eg vil,
og fullfører det eg sender det til."

Jes 55:10-11

Dette verset handlar om at Gud kaller på oss om å gjere hans gjerningar. Vi kan la oss lede av Gud og gå den vegen han har for oss gjennom orda han talar til oss. :D Det er ikkje alt Gud taler til oss, vi legg merke til heller, sjølv om vi gjer det. For han skriv at "Det vender ikkje tomt tilbake", som det står i verset, og det må jo bety det at alt Gud seier til oss, blir gjort, på eit eller anna vis. :) TØFT

1hjul

Rider: Gjermund
Spot: Oppå haugen
Shot: Lars Kristian

Hardanger

Trommis

Trommis: Eivind Håland
Spot: UKM 08
Kamera: Canon EOS 400d

Idyll

"Menneskelivet er som graset.
Mennesket er som blomen på marka."

Salme 103:15

Solglimt

Ein høstdag i Oktober, innimellom alle vekene med regn og rusk dukka plutseleg sola fram på Framnes. Eit sjeldsynt værfenomen på himmelen!

"Om morgonen høyrer du mi røyst,
tidleg vender eg meg til deg og ventar."

Salme 5:4

Høstfargar

Den mest vanlegaste oppfatninga av høsten er som oftast dette med mørke og regn, iallefall her på vestlandet. Det er ei tung tid med korte dagar og lange netter. Slik eg ser på det er alt i livet hakket tyngre i høstperioden. Ein tenkjer meir, og held seg mest inne. Men ein ting med høsten, som eg ser på som heilt fantastisk er fargane. Har du tenkt på det. Kor djupe og sterke fargar som faktisk stråler ut for ein, i ein mørk og tung kvardag. Tenk på det neste gang du går ute i høstværet. Gud har laga fargeklattar i dei tunge høstdagane våre. Er ikkje det fantastisk? Er nok ikkje berre tilfeldigheiter, nei. :D

Aller aller aller første innlegg!

Har tenkt på det ei god stund no, og no har endeleg tenkingen blitt realitet. Har endeleg fiksa meg ein fotoblogg, for det er det dette kjem til å vere i utgangspunktet. Men ein blogg kan jo ikkje berre bestå av bilder, so litt tankar og eit par bibelvers gjer sikkert susen! :) Hadde ein blogg før òg, men den blei so lite oppdatert at eg fant ut at det ikkje var noko vits. Trur fotoblogg er meir tingen for meg. Kjekt hvis du kommentere litt, so ser eg at faktisk nokon brukar bloggen min, eller ikkje brukar den. :D Tenke eg starte med eit bibelvers, eg. Som eit godt og stødig grunnlag.

Jesus svara: «Den som drikk av dette vatnet, blir tørst att. Men den som drikk av det vatnet eg vil gje, skal aldri meir tørsta. For det vatnet eg vil gje, blir til ei kjelde i han med vatn som bryt fram og gjev evig liv.»

Joh. 4:13